نێچيرڤان بارزانى: رزگاركردنهوهى مووسڵ ئاسان نابێت
K24 – ههولێر:
سهرۆكى حكوومهتى ههرێمى كوردستان, پێشبينيكرد, "لهبهر چهند هۆكارێك, رزگاركردنهوهى مووسڵ كارێكى ئاسان نابێت".
له ديدارێكيدا لهگهڵ كهناڵى CNNى ئهمريكيدا, سهرۆكى حكوومهتى ههرێمى كوردستان, نێچيرڤان بارزانى, گوتى: "وانازانم شهڕى رزگاركردنهوهى مووسڵ كارێكى ئاسان بێت, ئهوهى له رومادى روويدا, سهركهوتنێكى گهورهبوو بۆ سوپاى عێراق, بهڵام بارودۆخى مووسڵ زۆر ئاڵۆز و زهحمهته".
بارزانى زياتر گوتى: "خهلافهتى داعش له مووسڵ راگهياندراوه, بۆيه ئهو شاره بۆ داعش زۆر گرنگه, ههروهها بۆ ئێمهش".
نێچيرڤان بارزانى بۆچوونى خۆى سهبارهت به ئامادهكارى سوپاى عێراق بۆ شهڕى مووسڵ راگهياند و گوتى: "دڵنيانيم تا شهش مانگى تر سوپاى عێراق بۆ ئهو شهڕه ئاماده بێت".
روونيشيكردهوه, "بهيارمهتى هاوپهيمانان به تايبهتى ئهمريكا, توانيومانه پاشهكشه به داعش بكهين و ههموو ناوچه كوردييهكان رزگاربكهينهوه".
سهرۆكى حكوومهتى ههرێمى كوردستان, ئاماژهى بهوهدا, "ههندێك شوێنمان كۆنتڕۆڵكردووهتهوه, جێگاى گرنگى ئێمه نين, وهك بهنداوى مووسڵ, بهڵام له برى سوپاى عێراق ئهو كارهمان كردووه".