ژاپۆن پەرە بە پەیوەندییەكانی لەگەڵ ئێران دەدات
K24
دوای رێككەوتنی ناووكی ئێران و وڵاتانی 5+1، حكوومەتی ژاپۆن رایگەیاند، بە نیازە پەرە بە پەیوەندییە سیاسی و ئابوورییەكانی خۆی لەگەڵ ئێران بدات.
یوشیھیدی سوگا، سەرۆكی كابینەی حكوومەتی ژاپۆن دوێنی گوتی: "ئێمە دڵخۆشین بە رێككەوتنی ناووكی ئێران و وڵاتانی 5+1 و لە داھاتوودا پەرە بە پەیوەندییە ئابووریی و سیاسییەكانمان لەگەڵ ئێران دەدەین".
سوگا گوتیشی: "سەرقاڵی ئەوەین لەسەر بنەمای یاسای نێودەوڵەتیی پەرە بە پەیوەندییەكانمان لەگەڵ ئێران بدەین و بەرنامەیەكمان داڕشتووە بۆ ئەوەی كۆمپانیای (ھیایی) ژاپۆن ھاوكاریی کۆمپانیا ئێرانییەکان بكات".
ئەمریكا، رێكخراوی نەتەوەیەكگرتووەكان و یەكێتی ئەوروپا چەند رۆژی رابردوو گەمارۆ ئابوورییەكانی سەر ئێرانیان ھەڵوەشاندەوە. دەگوترێ بانكی سپە و كۆمپانیا نەوتییەكانی ئێران یەكەم ناوەندبوون، گەمارۆ نیودەوڵەتییەكانیان لەسەر لابردرا.