ڤاڵدانۆ: نێیمار له‌ مێسی و رۆناڵدۆ ژیرتره‌

پێیوایه‌ كۆتایی به‌ قۆرخكاری ئه‌و دوو یاریزانه‌ ده‌هێنێت
author_image Kurdistan 24

k24 ـ  هه‌ولێر

خۆرخێ ڤاڵدانۆ، یاریزانی پێشووی ئه‌رجه‌نتینی ستایشی نێیمار داسێلڤا ده‌كات و پێیوایه‌ له‌ سێ ساڵی داهاتوو ده‌بێته‌ باشترین یاریزانی جیهان.

ڤاڵدانۆ كه‌ پێشتر له‌ یانه‌ی ریال مه‌درید به‌ڕێوه‌به‌ری وه‌رزشیی بوو، له‌باره‌ی ئه‌ستێره‌كه‌ی بارسێلۆناوه‌ ده‌ڵێت، نێیمار یاریزانێكی زۆر نایابه‌، ئه‌و له‌ مێسی و رۆناڵدۆ ژیرانه‌تر مامه‌ڵه‌ له‌گه‌ڵ تۆپ ده‌كات.

  ڤاڵدانۆ پێشیوایه‌ له‌ ماوه‌ی سێ ساڵی داهاتوو نێیمار ده‌توانێت كۆتایی به‌ قۆرخكاریی مێسی و رۆناڵدۆ به‌سه‌ر بالۆن دۆر بهێنێت و ئه‌و خه‌ڵاته‌ به‌ده‌ست ده‌هێنێت.

نێیمار له‌ ساڵی 2015  بۆ یه‌كه‌مجار له‌ دوایین لیستی به‌ربژێرانی بالۆن دۆر مایه‌وه‌ و به‌ سێیه‌مین باشترین یاریزانی ساڵی رابردوو ده‌ستنیشانكرا.