بۆردومانى فڕۆكه‌كانى رووسيا 63 كوژراوى لێكه‌وته‌وه‌

بۆردومانى فڕۆكه‌ جه‌نگييه‌كانى رووسيا، كوژرانى 63 كه‌س و برينداربوونى ده‌يان هاووڵاتيى ديكه‌ى لێكه‌وتووه‌ته‌وه‌.

K24 – دێرزوور:

بۆردومانى فڕۆكه‌ جه‌نگييه‌كانى رووسيا، كوژرانى 63 كه‌س و برينداربوونى ده‌يان هاووڵاتيى ديكه‌ى لێكه‌وتووه‌ته‌وه‌.

روانگه‌ى سووريا بۆ مافه‌كانى مرۆڤ، رايگه‌ياند، ئه‌مڕۆ له‌ ئاكامى بۆردومانى فڕۆكه‌ جه‌نگييه‌كان، كه‌ گومانده‌كرێن رووسياييبن، 63 كه‌س گيانيان له‌ده‌ستداوه‌، له‌و ژماره‌يه‌ش 9 يان منداڵن.

روانگه‌كه‌، روونيكردووه‌ته‌وه‌، بۆردومانه‌كه‌ بۆ سه‌ر گوندێكى نزيك شارى دێرزوو ئه‌نجامدراوه‌.

زۆرينه‌ى ئه‌و ناوچانه‌ى بۆردومانكراوون، له‌ ژێر ده‌ستيى داعشدان.

له‌ ئازارى ساڵى رابردووه‌وه‌، چه‌كدارانى داعش گه‌مارۆى ناوچه‌كانيان داوه‌ و له‌ هه‌فته‌ى رابردووشدا ژماره‌يه‌ك هێرشيان كرده‌ سه‌ر هێزه‌ حكومييه‌كان له‌و ناوچانه‌.