ئەمریكا راوێژكارو پسپۆڕ رەوانەى هه‌رێم دەكات
K24 – هه‌ولێر:
بۆ دەرباز بوونی ھەرێمی كوردستان لە قەیرانی دارایی، ئەمریكا راوێژكارو پسپۆڕ رەوانە دەكات.
نێچیرڤان بارزانی، سەرۆكی حكومەتی ھەرێمی كوردستان، لەگەڵ ستیوارت جۆنز باڵوێزی ئەمریكا لە عێراق كۆبوويه‌وە و بۆ چارەسەركردنی قەیرانی دارایی داوای ھاوكاری تەكنیكی لە ئەمریكا كرد.
نێچیرڤان بارزانی و شاندە ئەمریكیيەكە ، تیشكیان خستە سەر ئەو قەیرانە داراییەی كە رووبەڕووی هەرێمی كوردستان بووەتەوە و پەرۆشیی خۆیان بۆ چارەسەركردن و تێپەڕاندنی ئەو قەیرانە داراییە دەربڕی بە شێوەیەك كە بە كەمترین زیان ئەو قەیرانە تێپەڕێنرێت.
باڵوێزی ئەمریكا لە عێراق، پشتگیریی خۆیان بۆ هەنگاوەكانی حكوومەتی هەرێمی كوردستان بۆ چارەسەركردنی قەیرانی دارایی دەربڕی و ئاماژەیان بەوە كرد، كە زانیارییەكانیان لەگەڵ خۆیان دەبەنەوە واشنتۆن و راوێژكار و پسپۆڕانی هونەری بۆ تێپەڕاندنی دۆخەكە دەنێرنە هەرێمی كوردستان.