ئاشتی ھەورامی: بۆ مقابلە نەھاتووم
K24 - ھەولێر:
ژمارەیەك لە بەشداربووانی كۆنفرانسی نەخشە رێگای چاكسازی و تازەگەری لە ھەرێمی كوردستان، بۆچوونەكانیان دەخەنەڕوو، وەزیر سامانە سروشییەكان رایگەیاند، ئەو بۆ مقابلەی نەھاتووە.
لە میانی كۆنفرانسی نەخشە رێگای چاكسازی و تازەگەری حكوومەتی ھەرێمی كوردستان، ژمارەیەك سەركردە و وەزیر و ئەندام پەرلەمانەكانی بەشداربوو راو بۆچوونیان لە بارەی كۆنفرانسەكە و ئەنجامەكانی خستەڕوو.
ھەر لەو كۆنفرانسەدا پەیامنێری (كوردستان24) ویستی بۆچوونی ئاشتی ھەورامی، وەزیری سامانە سروشتییەكانی حكوومەتی ھەرێمی كوردستان، لەسەر كۆنفرانسەكە و چاكسازی حكوومەت وەربگرێت، بەڵام ئامادەنەبوو وەڵامی پرسیارەكە بداتەوە و گوتی: "داوای لێبوردن دەكەم بۆ مقابلە نەھاتووم".
ئەمڕۆ بە ئامادەبوونی سەرۆكی حكوومەتی ھەرێمی كوردستان و جێگری سەرۆكی حكوومەت و ژمارەیەك لە پەرلەمانتا ر شارەزایانی ئابووریی و سەرمایەداران، كۆنفرانسی نەخشە رێگای چاكسازی و تازەگەری بۆ چاكسازی لە ھەرێمی كوردستان لە ھەولێر دەستی بە كارەكانی كرد.