وەزیری گەشەپێدان و دارایی ئەڵمانیا سەردانی سێمێل دەكات
K24 - دھۆك:
گێرد مولەر، وەزیری گەشەپێدان و دارایی ئەڵمانیا سەردانی شارۆچكەی سێمێل لە سنووری پارێزگای دھۆك دەكات و نەخۆشخانەك لەو شارۆچكەیە دەكاتەوە.
پەیامنێرى كوردستان 24 لە سێمێل رایگەیاند: " گێرد مولەر، وەزیری گەشەپێدان و دارایی ئەڵمانیا سەردانی كەمپی شاریای ئاوارەكان كرد، ھەروەھا سەردانی شارۆچكەی سێمێل دەكات و نەخۆشخانەی فریاكەوتن لە سێمێل دەكاتەوە، كە ئەو نەخۆشخانەیە لە لایەن وڵاتی ئەڵمانیا بە ھاوكاری رێكخراوێكی مرۆیی دروستكراوە و یەكەمجارە نەخۆشخانەی فریاكەوتن لە سێمێل دەكرێتەوە".
گوتیشی: "ئەڵمانیا بە ھاوكاری رێكخراوێكی مرۆیی 7 بنكەی تەندروستی لە كەمپەكانی ئاوارە و پەنابەران لە سنووری پارێزگای دھۆك كردووەتەوە".
دوێنێ گێرد مولەر، وەزیری گەشەپێدان و دارایی ئەڵمانیا لە رێگەی فڕۆكەخانەی نێودەوڵەتی ھەولێر گەیشتە ھەرێمی كوردستان و ئەمڕۆش سەردانی سنووری پارێزگای دھۆكی كرد و بڕیارە چەند كەمپێكی ئاوارە بەسەربكاتەوە، بۆ ئەوەی لە نزیكەوە ژیان و گوزەرانی ئاوارەكان ببینێت.