هیوایەكی نوێ بۆ تووشبووانی نەخۆشی شەكرە

K24 - هه‌ولێر:

پزیشكانی ئەمه‌ریكا لە دوو لێكۆڵینەوەی جیادا، ھەوڵی چارەسەركردنی جۆری یەكەمی نەخۆشی شەكرەیان داوە، ئەویش بە چاندنی خانەی پەنكریاسی مرۆڤ بۆ مشك پاش دەستكاریكردنێكی زانستی وورد و داپۆشینی بە ماددەیەك بۆ ئەوەی ئەو خانانە تووشی بەرھەڵستی خانەكانی بەرگری لەش نەبنەوە.

پاش ئەنجامدانی گواستنەوەكە و چاودێریكردن و پشكنینی ئەو مشكەی نەشتەرگەری گواستنەوەكەی بۆ ئەنجام درابوو، دەركەوت كەوا ئەو مشكە بۆ ماوەی 6 مانگ پێویستی بە لێدانی دەرزی ئینسۆلین نەبوو.

پزیشكان ھیوای خۆیان دەربڕی كە دەتوانن وا بكەن ئەو خانانە بۆ ماوەی زیاتر لە 6 مانگ خۆیان ڕابگرن ئاگەر ھاتوو ئەو كردارە بۆ مرۆڤ ئەنجام درا.