سامی یوسف سروودێكی كوردی ده‌چڕێت و باسی كوردیش ناكات

kurdistan24.net

K24 - هه‌ولێر:

سامی یوسف، سروودبێژی ئایینی به‌رهه‌مێكی نوێی به‌ناوی "به‌ره‌كه‌" بڵاوكرده‌وه‌، كه‌ یه‌كێك له‌ سرووده‌كان ئاوازه‌كه‌ی كوردییه‌ و كۆپله‌یه‌كیش له‌ سرووده‌كه‌ به‌ كوردی ده‌چڕێت.

سایتی فه‌رمی ئه‌و سروودبێژه‌ ئیسلامییه‌ له‌ باره‌ی به‌رهه‌مه‌ نوێیه‌كه‌ نووسیویه‌تی: "به‌رهه‌می به‌ره‌كه‌ به‌ چه‌ند زمانێكه‌، وه‌كو توركی، عه‌ره‌بی، فارسی، هیندی و ئینگلیزی" و هیچ ئاماژه‌یه‌كی به‌ زمانی كوردی نه‌كردووه‌.

زۆر كه‌س ئاوازی ئه‌و سرووده‌ به‌ كوردی ده‌زانن و پێشتریش، له‌لایه‌ن په‌یامی عه‌‌زیزی، به‌ناوی "یا رسول الله یا شای مه‌دینه" گوتراوه‌ته‌وه‌، به‌ڵام هیچ ئاماژه‌یه‌كی به‌ ئاوازه‌كه‌ی نه‌كردووه‌و تا ئێستاش كلیپی فه‌رمی ئه‌و به‌رهه‌مه‌ بڵاونه‌كراوه‌ته‌وه‌.

سامی یوسف، به‌ ره‌گه‌ز ئازه‌رییه‌ و له‌ شاری ته‌ورێزی ئێران ساڵی 1980 له‌دایكبووه‌، به‌ڵام له‌ منداڵییه‌وه‌ له‌گه‌ڵ خێزانه‌كه‌ی چوونه‌ته‌ به‌ریتانیا و له‌ له‌نده‌نی پایته‌ختی ئه‌و وڵاته‌ گه‌وره‌ بووه‌.

سرووده‌كه‌ به‌ ده‌نگی "په‌یامی عه‌زیزی".