قه‌زا شێخان بێ به‌هر مایه‌ ل خزمه‌تگوزاریان

دناڤبه‌را حكومه‌تا مه‌ركه‌زى و حكومه‌تا هه‌رێما كوردستانێ دا قه‌زا شێخان مایه‌ هه‌لاویستى
kurdistan24.net

K24 – شێخان:
دناڤبه‌را حكومه‌تا مه‌ركه‌زى و حكومه‌تا هه‌رێما كوردستانێ دا قه‌زا شێخان مایه‌ هه‌لاویستى>
قه‌زا شێخان ئێكه‌ ژ وان ده‌ڤه‌رێن كێشه‌ ل سه‌ر، ژ ئالیێ ئیدارى ڤه‌ سه‌ر ب پارێزگه‌ها نینه‌وا ڤه‌یه‌ و ژ ئالیه‌ك دیتر ڤه‌ پارچه‌یه‌كه‌ ژ ئاخا كوردستانێ.
هه‌ر ژبه‌ر ڤێ چه‌ندێ ژى تا نها وه‌كو پێدڤى كارێن خزمه‌تگوزارى ل ڤێ ده‌ڤه‌رێ نه‌هاتیه‌ كرن ، خه‌لكێ ده‌ڤه‌رێ ژى گازندا ل وێ چه‌ندێ دكه‌ن و دخازن حكومه‌تا هه‌رێما كوردستانێ هاوره‌ل ل قه‌زا وان بێته‌ دان.
هه‌ڤوولاتیه‌ك بو (كوردستان24) دپه‌یڤه‌ و دبێژه‌: " حه‌دیقه‌ و جهێن كه‌سكاتى هه‌نه‌، به‌لێ دڤێت چاكسازییه‌ك هه‌بت كو ئه‌ڤان حه‌دیقان، ته‌رتیب و سه‌خبێرى لێ بێته‌ كرن".
هه‌ڤوولاتیه‌ك دن دبێژه‌: "به‌ریا نها خزمه‌ت هه‌بوو، لێ نها دێ به‌رێ خوه‌ دیێ ئه‌ڤه‌ ده‌مێ 4 سالایه‌ چ كارێن وه‌سا نه‌هاتینه‌ كرن، دناڤبه‌را مه‌ و داعشێ بتنێ 15 كیلومه‌ترن، ده‌ما پێدڤى بیت هه‌ر ئێك ژ جهێ خوه‌ چه‌كى خوه‌ هه‌لدگریت و به‌ره‌ف سه‌نگه‌ران ڤه‌ دچیت و به‌رامبه‌ر دوژمنى براوه‌ستیت".
سه‌رۆكێ باژێرڤانیا قه‌زا شێخان دا دیار كرن كو ژلایێ حكومه‌تا هه‌رێما كوردستانێ ڤه‌، گه‌له‌ك پروژه‌ بو شێخان هاتینه‌ دانانو هنده‌ك ژوانا بدویماهى هاتینه‌ و هنده‌ك ژى ژبه‌ر كاودانێن دارایى و ئابورى هاتینه‌ راوه‌ستاندن".
سه‌روكێ پارێزڤانیا قه‌زا شێخان بـ(كوردستان 24) را گووت: "كومه‌كا پروژا یێن هاتینه‌ ئه‌نجامدان،دویماهیك پروژه‌ ئه‌و بوویه‌ رێكا نافخویى هاتیه‌ ئه‌نجامدان ب نزیكى ملیاره‌ك و دوو سه‌د ملیون دینارا، خهێ داخێ یه‌ هه‌رچه‌نده‌ دڤیا حكومه‌تا هه‌رێمێ خو بخوادن بزانیت،ئه‌وژى قه‌زایه‌كه‌ وه‌كو قه‌زایێت دیترێت عیراقێ".
قه‌زا شێخان هه‌ژماره‌كا زۆر یا په‌نابه‌ر و ئاواران لێ هاتینه‌ ڤه‌حه‌واندن و ئاكنجیێن وێ ژى پتر ژ 150 هزار كه‌سانه‌، ژ لایێ حكوومه‌تا فیدرال هاتینه‌ پشتگوه هاڤێتن و ژلایێ حكومه‌تا هه‌رێمى ژى ڤه‌ لدویف شیانان خزمه‌تا وان دهێته‌ كرن.
لڤى بارى ڤه‌ سه‌روكێ باژێرڤانیا شێخان گووت : "زێده‌تر ل 6 هه‌زار ئاواه‌ ل كه‌مپادا نێشته‌جێ نه‌ ژبلى كو ل ناڤا باژێرى زێده‌تر ل 4 هزار خێزانا نیشته‌جێ نه‌، بێ گومان خزمه‌تگوزارى بو وان ژى دڤێن".