برێت مه‌كگۆرك: د دستورێ نوو یێ سوریێ ده دان ب ملله‌تێ كورد بێت دان
K24 – كوبانێ
سووریا نوو دێ دیموكراتيك به و ده‌ستوورا نوو یا سووریێ ل سه‌ر ڤێ بنه‌مایێ دهێت دانان
ناڤه‌ندا سووریێ بو مافێن مرۆڤ راگه‌هاند كو نوونه‌رێ سه‌رۆكێ ئه‌مه‌ریكا، باراك ئۆباما، ل هه‌ڤپه‌یمانیا نێف ده‌وله‌تى دژى داعشێ جه‌نه‌رال، برێت مه‌كگۆرك، دگه‌ل شانده‌كێ فه‌ره‌نسى و به‌ریتانى، سه‌ره‌دانا روژئاڤایێ كوردستانێ كریه و دگه‌ل سه‌ركردێن رێڤه‌به‌ریا خوسه‌ر ل كوبانێ كومبوویه.
نوونه‌رێ سه‌روكێ ئه‌مه‌ریكا، د ده‌ما سه‌ره‌دانا خوه‌دا بو باشوورى كوردستانێ و كومبونا وى دگه‌ل رێڤه‌به‌ریا خوسه‌ر ل كوبانێ، ب وانرا گوتیه: "ئه‌و تشتێ كو وه بده‌ست ڤه ئینایه مافێ وه‌یه، ژبه‌ر كو وه شه‌رێ داعشێ كریه، سووریا نوو دێ دیموكراتێك بیت و ده‌ستوورا نوو یا سووریێ ل سه‌ر ڤێ بنه‌مایێ دهێت دانان".
مه‌كگۆرك، ب رێڤه‌به‌ریا خوسةرا كوبانێ را سووز دایه كو د ده‌ستوورێ نوو یێ سووریێ دا، دان ب ملله‌تێ كورد بێت دان.
نوونه‌رێ سه‌روكێ ئه‌مه‌ریكا، د كومبونه‌كێ دا دگه‌ل رێڤه‌به‌ریا خوسةر و سه‌ركردێن هێزێن سورریا دیموكرات ب وانا راگه‌هاندیه كو:د قوناغێن نزیك دا ئه‌و پشتگیریا رێڤه‌به‌ریا نافخویى بكه، نه‌خاسمه ژ ئالیێ سیاسى و پێشخستنا ده‌زگه‌هان، هه‌روه‌ها ئه‌و پشته‌ڤانیا یه‌كینه‌یێن پاراستنا گه‌ل و هێزێن سووریا دیموكرات بكه.
برێت مه‌كگۆرك، ل به‌روارێ 30 كانویا دوو/ یه‌نایر،ب رێیا فڕۆكه‌خانه‌یا،ڕمێلان، گه‌هشتیه باشوورى كوردستانێ، كو ئه‌و فڕۆكه‌خانه‌یه وه‌ك بنگه‌هه‌ك له‌شكرى ژ ئالیێ ئه‌مه‌ریكا تێ بكارئانین.
جون كێربى، ده‌ربه‌فكێ وه‌زاره‌تا ده‌رڤه یا ئه‌مه‌ریكایى، راگه‌هاند كو: "شانده‌رێ سه‌روكاتیێ تایبه‌ت برێت مه‌كگۆرك، سه‌ره‌دانا خوه یا دوو روژا بو باكوورى سووریا بداوى ئانى، ژبو نرخاندنا پێشكه‌تنێن واویێن ئوپه‌راسیونا ژ نافبرنا داعشێ".
كێربى ئه‌وژى راگه‌هاند كو: "مه‌كگۆرك دگه‌ل به‌رپرسێن به‌ره‌ڤانیێ و دگه‌ل سه‌ركرده‌یێن هه‌ڤپه‌یمانیا عه‌ره‌ب و كوردان جڤیا،ژبو شوپاندنا ئوپه‌راسیونا دژى داعشێ، هه‌روه‌ها سه‌ره‌دانا كوبانێ ژى كر و دگه‌ل به‌رپرسێن رێڤه‌به‌ریا خوسه‌ر و نوونه‌رێن جڤاتا سووریا دیموكرات هه‌ڤدیتن پێك ئانى".
به‌رده‌فكێ وه‌زراه‌تا ده‌رڤه یا ئه‌مه‌ریكا ئاماژه ب وێ چه‌ندى ژى دا: " هه‌روه‌تووف ئه‌و سه‌ره‌دان ژبو بیرئانینا سالڤه‌گه‌را رزگاركرنا كوبانێ بوو".
