به‌رهه‌ڵستكارانى سووريا چاوه‌ڕێى وه‌ڵامى رژێم ده‌كه‌ن
K24 – جنێڤ:
گوته‌بێژى به‌رهه‌ڵستكارانى سووريا، سالم موسڵه‌ت، رايگه‌ياند، شاندى به‌رهه‌ڵستكارانى سووريا، چاوه‌ڕێى وه‌ڵامى نوێنه‌رى حكومه‌تى سووريان له باره‌ى پێنشيازى نه‌ته‌وه‌يه‌كگرتووه‌كان سه‌باره‌ت به هه‌نگاوه مرۆييه‌كانى رژێم بۆ كۆتايهێنان به قه‌يرانى مرۆيى لێقه‌وماوان و گه‌مارۆدراوانى سووريا.
موسه‌ڵه‌ت، دواى دوو كاتژمێر كۆبوونه‌وه‌يى له‌گه‌ڵ ستيڤان دى مستۆرا، ئه‌وه‌شى ئاشكرا كرد، په‌يامى ئه‌رێنييان له له نێرده‌ى نه‌ته‌وه‌يه‌كگرتووه‌كانه‌وه پێگه‌يشتووه و به‌رهه‌ڵستكاران چاوه‌ڕوانى وه‌ڵامى ئه‌رێنى شاندى حكومه‌تى سووريان.
سه‌رچاوه: رۆيته‌رز
