رایه‌دارێ ئێكه‌تیا ئه‌وروپا: بانكا ئه‌وروپا دڤێ پێداچوونێ ل سیسته‌مێ خوه یێ بانكى بكه
K24 - فرانكفۆرت:
سیسته‌مێ بانكا ئه‌وروپى ئاسانكاریا بو تیرۆریستان دكه هه‌یا بكارن پارێ خوه ڤه‌گوهێزن.
داخاز ل بانكا ناڤه‌ندا ئه‌وروپایێ دهێت كرن، پێداچوونێ بو سیسته‌مێ خوه یێ بانكى بكه، ژبه‌ر كو ئه‌و سیسته‌م ئاسانكاریێ بو تیروریستان دكه، هه‌یا كو بكارن پارێ خو ڤه‌گوهێزن.
لگور داخویانیێن رایه‌دارێ ئێكه‌تیا ئه‌وروپایێ، كاغه‌زا دراڤێ 500 یۆرۆ ل بانكان كارێ هاتنوچوون و ڤه‌گوهاستنا پاره‌ى ژبو تیررۆریستان ئاسان كریه.
هه‌روه‌سا دبێژن رێدان ب وێ یه‌كێ كو پاره‌یه‌كێ زور بهێ ڤه‌گوهاستن وێ ئالیكاریا تیروریستان بكه بێ چوو چاڤدێریه‌ك و پارێ خو ل وڵاته‌كى ببه وڵاته‌كێ دن.
نها ژى پێشنیار ب بانكا ئه‌وروپایێ دهێت دان كو چاڤدێریا زێده‌تر ل سه‌ر كارتێن بانكى و ڤه‌گوهاستنا پاره‌ى بكه.
سیسته‌مێ بكارئانینا كارتێن بانكى، ژبوى په‌یدا كرنا ئاسانكاریا ل ڤه‌گوهاستنا دراڤى دا هاتیه دانین،وه‌لێ تیروریستان مفا ژ وان ئاسانكارییان وه‌رگرتیه ژبوى ڤه‌گوهاستنا پاره‌یێن خوه، كو مه‌ترسى ل سه‌ر هه‌یه ئه‌و پاره ژبوى كارێن تیروریستى و تێكده‌ر بێن بكارئانین.