تێچووى شه‌ڕى سووريا راگه‌يه‌ندرا

بانكى نێوده‌وڵه‌تى رايگه‌ياند، تێچووى شه‌ڕى سووريا و ره‌نگدانه‌وه‌ى له‌سه‌ر وڵاتانى

K24 – سووريا:

بانكى نێوده‌وڵه‌تى رايگه‌ياند، تێچووى شه‌ڕى سووريا و ره‌نگدانه‌وه‌ى له‌سه‌ر وڵاتانى ناوچه‌كه‌ تێچووى 35 مليار دۆلاره‌.

ئه‌و بڕ خه‌مڵێندراوه‌، زيانه‌كانى شه‌ڕى سووريا و ئه‌و زيانانه‌ى به‌ پێنج وڵاتى دراوسێى سووريا كه‌وتووه‌ هه‌ژمار كراوه‌.

به‌ هۆى شه‌ڕى سوورياوه‌ هه‌ريه‌ك له‌ هه‌رێمى كوردستان (عێراق)، ميسر، لوبنان، ئه‌رده‌ن و توركيا زيانيان به‌ركه‌وتووه‌.

شه‌ڕى سووريا له‌ ماوه‌ى پێنج سالى رابردوودا 260 هه‌زار كوژراوى لێكه‌وتووه‌ته‌وه‌.

زياتر له‌ 5 مليۆن هاووڵاتى ئه‌و وڵاته‌ ئاواره‌ بوون.

له‌ ميانى كۆنگره‌ى له‌نده‌ندا بۆ هاوكاريكردنى سووريا، 10 مليار دۆلار كۆكراوه‌ته‌وه‌ و برياره‌ تا 2020 هاوكارى لێقه‌وماوانى سوورياى پێبكرێت.