نونهراتیا خۆسهر ل مۆسكو دهێت ڤهكرن
K24 - قاميشلۆ:
پشتى پشكدار بوونا رووسیا ل شهرێ دژى رێكخراوا داعش ل سووریا و ب رهنگهكێ جودا ل ههڤپهیمانیا نێفدهولهتى، رووسیا شیایه ههڤپهیمانیهك جودا پێكبینه، و ئێك ژوان لایهنێن ڤیایه بشكدار بن، لایهنێن كوردى یێن روژئاڤا و رێڤبهریا خۆسهره، ههر ئهف پێنگاڤه ژى بوویه مایێ هندێ كو رووسیا رازى ببه نونهراتیا خۆسهرى ل مۆسكو بێت ڤهكرن.
ل مهر ڤهكرنا نونهراتیا رێڤهبهرا خوسهر ل مۆسكو، جێگری سهرۆكی دهستهی كاروباری دهرهوه له كانتۆنی جزیرێ، ئهمینه ئۆسێ، بو كوردستان24 جڤیا و گووت : "حازرێن مه، ئیجرائاتێن روتینى ههبوون مه كار ل سهر كرینه، بو چوونا مۆسكو و بهرلین، بزاڤێن مه یێن حازر كرنێ بو ڤهكرنا نونهراتیێ ل مۆسكو بهرهف داویێ چوونه، و روژا ڤهكرنا وێ هاتیه دیار كرن،و ڤهكرنا وێ ژى ب رهنگهكێ فهرمى و ب پشكداربوونا ههموو رێكخستیێت سیاسى و مهدهنى یێن كو ل موسكو ناڤهند ههنه.
ههروهسا ئیجرائاتێن بهرلین ژى بهرهف داویێ دچن،و گهلهك وڵاتێن دن یێن كو ئهم د ناڤا دانوستاندا دانه، بو ڤێ چهندێ ئهم بكارین ژ ئیرو پێڤه پهیوهندیهك راستهوخو ب نوێنهراتیا مهرا ل روژئاڤا بێت كرن".