لایه‌نێن سیاسى ل رۆژئاڤایا كوردستانێ پشته‌ڤانیا ریفراندوما سه‌رخوه‌بوونا كوردستانێ دكه‌ن
K24 – رۆژئاڤایێ كوردستانێ
ریفرانۆدمێ باندۆرا خوه ل سه‌ر پارچێن دن یێن كوردستانێ هه‌به
لایه‌نێن سیاسى ل رۆژئاڤایێ كوردستانێ، داخوازا سه‌رۆكێ هه‌رێما كوردستانێ، مسعود بارزانى، بو ئه‌نجامدانا ریفراندۆما سه‌رخوه‌بوونا كوردستانێ، دبینن كو گاڤه‌كا دیروكى یه،و ئه‌زمونه‌كا زیندى یه كو ملله‌تێ كورد بخوه چاره‌نڤسیا خوه هه‌لبژێره،و ئه‌ف یه‌ك د باندۆرا خوه ل سه‌ر پارچه‌یێن دن یێن كوردستانێ هه‌به.
هنده‌ك لایه‌نێن سیاسى دبینن، كو ئێكرێزیا سیاسى و له‌شكرى كوردى، دوسیێن چاكسازیێ و ره‌وشا ئابورى یا وه‌لاتیان خالێن هه‌ره گرنگن یێن دڤێ بێن چاره‌سه‌ركرن،و لگۆرى ڤان لایه‌نان چاره‌سه‌ركرنا ڤان خالان دێ بریارا ریفراندۆما ناڤبرى بهێز تر بكه.
ژ ئالیه‌ك دن ڤه پشكه‌ك ژ نڤیسكار و رۆژنامه‌ڤانێن رۆژئاڤایا كوردستانێ نه‌رین و هه‌لوه‌ستێن خوه ل مه‌ر ریفراندۆما كوردستانێ دیار كرن، كو پرانیا وان پشتگیریا سه‌رخوه‌بوونا هه‌رێما كوردستانێ كرن.