له ئه‌ڵمانيا چوار كه‌س گيانيان له‌ده‌ستدا و 150 كه‌سى ديكه بريندار بوون
K24 - باڤاریا:
لە ھەرێمی باڤاریا لە ئەڵمانیا دوو شەمەندەفەر بەیەكیاندا دا، لە ئاكامدا نزیكەی 150 كەس برینداربوون.
بەرەبەیانی ئەمڕۆ لە ھەرێمی باڤاریای ئەڵمانیا دوو شەمەندەفەر بەیەكیاندا دا، لە ئاكامدا چوار كەس گیانیان لە دەست دا، 150 كەسییش بریندارە، برینی 50 كەس لە بریندارەكان زۆر سەختە.
پۆلیسی ئەڵمانیا رایگەیاندووە، 7 ھێلی كۆپتەری فریاگوزاری گەیشتوونەتە شوێنی رووداوەكە، بۆ فریاگوزاری و گواستنەوەی برینداران، جگەلەمەش چەندین تیمی فریاگوزاری لە شوێنی رووداوەكەن.
ھەرێمی باڤارا 60 كیلۆمەترە لە دووری شاری میونشن.
