دابەزینی نرخی نەوت كاریگەریی نەكردووەتە سەر کۆمپانیای تۆتاڵ
K24- ھەولێر:
كۆمپانیای تۆتاڵی فەرەنسیی لە راگەیندراوێكیدا بڵاویكردوەوە سەرەڕای دابەزینی نرخی نەوت باروودۆخیان لەوە باشترە كە پێشبینیان دەکرد.
كۆمپانیای تۆتاڵ راشیگەیاند: بە رێگەی كەمكردنەوەی خەرجییەكانیان توانیویانە رووبەڕووی دابەزینی نرخی نەوت ببنەوە و كاریگەریی زۆر نەخاتە سەر كۆمپانیاكەیان.
بەگوێرەی راگەیندراوەكە: كۆمپانیای تۆتاڵ لە چارەكی یەكەمی ساڵی 2015 ئاستی قازانجی بەڕێژەی 26% دابەزیووە بۆ 2 ملیار و 100 ملیۆن دۆلار.
کۆمپانیاکە ئاماژەش دەکات کە: بەرھەمی رۆژانەی نزیكەی 2 ملیۆن و 4 ھەزار بەرمیل نەوتە.
كۆمپانیای تۆتاڵ یەكێكە لە گەورە كۆمپانیاكانی جیھان لە بواری نەوت و گاز كاردەكات و كۆمپانیایەكی فەرەنسییە.
بارەگای سەرەكیی كۆمپانیای تۆتاڵ لە پاریسی پایتەختی فەرەنسایە و لە 28 ئاداری ساڵی 1924 دامەزراوە.
ئامادەكردن: شنۆ محەممەد
سەرچاوە: تۆتاڵ