سه‌رۆك وه‌زيرانى لوبنان بۆ كوردستان 24: ريفراندۆم به‌رپرسيارێتى سه‌رۆكى هه‌رێمى كوردستانه
K24 – ميونخ:
سه‌رۆكى هه‌رێمى كوردستان مه‌سعوود بارزانيى له‌گه‌ڵ سه‌رۆك وه‌زيرانى لوبنان كۆبوويه‌وه.
دواى كۆبوونه‌وه‌كه، سه‌رۆك وه‌زيرانى لوبنان، ته‌مام سه‌لام وه‌ڵامى پرسياره‌كانى په‌يامنێرى كوردستان 24ى دايه‌وه و رايگه‌ياند، له ئێستادا پرسى ريفراندۆم و چاره‌نووسى هه‌رێمى كوردستان به‌رپرسيارێتى سه‌رۆكى هه‌رێمى كوردستانه.
هه‌روه‌ها گوتى: بێگومان ئێمه له‌گه‌ڵ ئازار و نه‌هامه‌تى كورديين، له‌م رووه‌وه له‌گه‌ڵ سه‌رۆك بارزانيى زانيارى باشمان ئاڵوگۆڕ كرد و ئێمه متمانه‌ى باشمان به سه‌رۆك بارزانيى هه‌يه بۆ سه‌ركردايه‌تى گه‌لى كوردستان و پاشخانێكى گرنگ و دێرينى هه‌يه له لايه‌ن گه‌لى كورده‌وه و رۆڵێكى گه‌وره‌ى هه‌يه بۆ تێپه‌ڕاندنى ره‌وشه‌كه.
له باره‌ى ريفراندۆميشه‌وه ته‌مام سه‌لام گوتى: ئێمه له‌گه‌ڵ سه‌رۆك بارزانيى ساڵى رابردوو و ئه‌مساڵيش باسمان كردووه و ئه‌مه به‌رپرسيارێتى سه‌رۆك بارزانييه.
ئا: ئ.هـ
تێبينيى: ئه‌م هه‌واڵه راستكراوه‌ته‌وه و نوێده‌كرێته‌وه