پارێزگارى دهۆكێ: ژمارا فه‌رمانبه‌ران و هاتنه‌خوارا بهایێ پترولێ بويه سه‌ده‌ما په‌یدا بوونا قه‌یرانا ئابورى
K24 – دهۆك:
لسه‌رانسه‌رى پارێزگه‌ها دهۆكێ پتر ژ 1300 مزگه‌فت هه‌نه و 800 گوتار خوین خوتبان دده‌ن.
پارێزگارى دهوكێ، فه‌رهاد ئه‌تروشى، كومبوونه‌ك دگه‌ل ئێكه‌تیا زانایێن دهۆك و رێڤه‌به‌ریا ئه‌وقاف و كاروبارێن ئاینى ل دهوك ئه‌نجامدا، بابه‌تێ سه‌ره‌كى یێ كومبونێ، ره‌وشا ئانى یا هه‌رێما كوردستانێ و قه‌یرانا ئابوورى بوو، هه‌روه‌سا به‌حس ل سه‌ر ره‌هه‌ندێن ئابورى هات كرن ئه‌وێن هه‌رێما كوردستانێ تێدا ده‌رباز دبیت.
پارێزگارى دهۆكێ د په‌یڤه‌كێدا ئاماژه ب وێ چه‌ندێ كریه كو: "زوریا ژمارا فه‌رمانبه‌ران و هاتنه‌خوارا بهایێ پترولێ د بازارێن جیهانێدا، ئه‌گه‌رێ په‌یدا بوونا قه‌یرانا ئابورى یا هه‌رێما كوردستانێ یه".
مامۆستایێن ئاینى ژى د وێ باوه‌رێ دانه كو ئه‌ف ته‌نگاڤیه دهێ ده‌رباز كرن و ده‌بێ ل مزگه‌فتان به‌حس ل سه‌ر بێته كرن و بو وه‌لاتیان بێ روونكرن چه‌وا سه‌ره‌ده‌رى دگه‌ل ڤێ ره‌وشێ بێ كرن، نه‌خاسمه پتریا جڤاكێ كورده‌وارى، جڤاكه‌كێ ئاینى یه، په‌یڤێن ماموستایێن ئاینى ل خوتبه و سه‌ر میمبه‌ران كارتێكرنا خوه ل سه‌ر هه‌یه.