بارزانی و سەرۆكی كرواتیا كۆبوونەوە
K24- هەولێر:
لە میانی بەشداریكردنی لە كۆنفرانسی سیاسەتی ئاسایشی نێودەوڵەتیی لە میونشن، لە رۆژی سێیەمی كۆنفرانسەكەدا مەسعوود بارزانی، سەرۆكی ھەرێمی كوردستان لەگەڵ کۆلینا گرابەر کیتارۆڤیچ، سەرۆكی كڕواتیا كۆبووەوە.
لە سێ رۆژی رابردوودا و لە چوارچێوەی بەشداریكردنی لە كۆنفرانسی میونشن بارزانی دیداری لەگەڵ زۆر سەركردە و سیاسەتمەداری جیھان ئەنجامداوە.
بڕیارە ئەمڕۆ سەرۆكی ھەرێمی كوردستان وتارێك لە كۆنفرانسی میونشن پێشكەش بكات و رەوشی ھەرێمی كوردستان و ناوچەكەی تێدا شی بكاتەوە.
ھەرچەندە سەردانی بارزانی بۆ میونشن، بە مەبەستی بەشداریكردن بوو لە كۆنگرەی ئاسایش، بەڵام لەم ماوەیە بارزانی چەندین دیداری گرنگی لەگەڵ سەرۆك و نوێنەری وڵاتان رێكخست.
بە بڕوای ھەندێك لە چاودێرانی سیاسیی دیدار و كۆبوونەكانی سەرۆكی ھەرێمی كوردستان لە میونشن، لەم بارودۆخەی ھەرێمی كوردستاندا گرنگیی خۆی دەبێت لە ھەم لە بە دەستھێنانی پشیوانیی وڵاتانی زلھێز، ھەمیش لە پشتگیریی و ھاوكاریی زیاتر بۆ ھێزی پێشمەرگە و خەڵكی كوردستان.
ئا: ھەڤاڵ مەلا