بۆڕیی گواستنەوەی نەوت لە نێوان كەركووك و ھەولێر تەقییەوە
K24- هەولێر
پەیامنێرمان لە کەرکووک رایگەیاند بۆڕیی گواستنەوەی نەوت لە نێوان كەركووك و هەولێر ئەمڕۆ سێشەممە، تەقییەوە.
پەیامنێری (كوردستان24) لە کەرکووک گوتیشی: "بۆڕیی گواستنەوەی نەوت لە نێوان كەركووك و هەولێر، ئەمڕۆ سێشەممە، تەقیوەتەوە و بەو ھۆیەوە ھێزە ئەمنییەكان رێوشوێنی ئەمنیی توندیان لە دەوروبەری ئەو ناوچەیە گرتووەتەبەر و دەوامی قوتابخانەكان لەو سنوورە راگیراوە".
پەیامنێرمان ئاماژەشی کرد کە: "سەرچاوە ئەمنییەکان هێشتا یەکلا نەبوونەتەوە ئایا بۆڕییەکە بەهۆی گرفتی تەکنیکییەوە گڕی گرتووە یاخود تەقێندراوەتەوە".