مامۆستایانی ناڕازی سوورن له‌سه‌ر داواكانیان و هه‌ندێكیشیان بایكۆتییان شكاند
K24 - سلێمانی:
هێشتا هۆڵی زۆربەی قوتابخانەکانی شاری سلێمانی چۆڵە و دەرگایان بەڕووی قوتابیاندا نەکراوەتەوە، مامۆستایانی ناڕازی سوورن لە سەر داواکارییەکانیان و ئامادەنین لەژێر هیچ فشارێکدا بایکۆت بشکێنن.
ئەگەرچی بایکۆتی دەوام لەلایەن مامۆستایانی سنووری پارێزگای سلێمانی بۆ داواکاری خەرجکردنی مووچەکانیانە، بەڵام خوێندکارانیش لەو نێوەندەدا بوونەتە سووتوو و باجی گەورەیان داوە.
شکاندنی بایکۆتی دەوام لەلایەن بەشێك لە مامۆستایان لەکاتێکدا دێت کە نزیکەی مانگێکە مامۆستایانی ئەو سنوورە، بایکۆتی دەوامەکانیان کردووە، قوتابخانەکانی ناو شاری سلێمانی 307 قوتابخانەیە و لەو ڕێژەیه‌ش نزیکەی سەدو پەنجا قوتابخانە بایکۆتی شکاندووەو ئێستا پرۆسەی خوێندن تیدا ئاساییە.