دانیمارك هێز رهوانهی عێراق و سووریا دهكات
K24 - ههولێر:
به مهبهستی بهشداریكردنی زیاتر له شهڕی دژی داعش له چوارچێوهی هاوپهیمانی نێودهوڵهتی، سەرۆك وەزیرانی دانیمارك رایگەیاند، وڵاتەکەی ھێزێکی تایبەت و فڕۆکەی ئێف ١٦ رەوانەی ئەو دوو وڵاتە دەکات.
لۆکی راسمۆسن، سەرۆک وەزیرانی دانیمارك رایگەیاند، لێژنەی پەیوەندییەکانی دەرەوەی پەرلەمانی دانیمارك، پێشنیازەکەی حکوومەتیان پەسەندکردووە كه تایبهته بە رەوانەکردنی ٤٠٠ سەرباز بۆ عێراق و سووریا و ھەروەھا ناردنی حەوت فڕۆکەی جەنگی جۆری ئێف ١٦.
ھەروەھا راسمۆس ئاماژە بەوەدەکات ئێستا حکوومەت پێشنیازەکە بەرز دەکاتەوە بۆ پەرلەمانی وڵاتەکەی، بۆ ئهوهی بخرێته دهنگدان و بڕیاری کۆتایی لهسهر بدرێت، بڕیاره ١٩ی مانگی داھاتوو پڕۆسەکە بەڕێوەبچێت.