وەزارەتی دارایی داوا لە فەرمانگەكان دەكات لیستی مووچەكانیان بۆ گەنجینەكان بنێرن
K24 - ھەولێر:
لە راگەیاندراوێكدا وەزارەتی دارایی و ئابووریی حكوومەتی ھەرێمی كوردستان، فەرمانگە و دامودەزگاكان ئاگادار دەكاتەوە، بە مەبەستی وردبینی كردن و خەرجكردنی مووچەی فەرمانبەران لیستی مووچەكانیان بۆ گەنجینەكان بنێرن.
وەزارەتی دارایی و ئابووریی حكوومەتی ھەرێمی كوردستان لە راگەیاندراوێكدا كە وێنەیەكی بۆ ماڵپەڕی (كوردستان24) نێردراوە رایگەیاند: "داوا لە سەرجەم فەرمانگە و دام و دەزگاكانی حكوومەت دەكەین، كە لیستی مووچەكانیان ئاراستەی گەنجینەكان بكەن، بە مەبەستی وردبینی و خەرج كردنی مووچەی فەرمانبەران".
لە چەند رۆژی رابردوودا حكوومەتی ھەرێمی كوردستان دەستی بە دابەشكردنی مووچەی مانگی 2ی ئەمساڵ كردووە، مووچەكانی وەزارەتی كاروباری پێشمەرگە و ئەنجوومەنی ئاسایش و دەزگای گشتی ئاسایش دابەشكراوە.