سه‌رۆك وه‌زیرانی چین: به‌سه‌ر به‌ربه‌سته‌ ئابوورییه‌كاندا زاڵده‌بین

"له‌ ئابوورییه‌كه‌ماندا خاڵی به‌هێز و ئه‌رێنی له‌ خاڵه‌ لاوازه‌كان زیاترن"
https://k24mediaservice.streaming.mediaservices.windows.net/d41734ff-443c-4e6b-8913-94e378674d6c/CHINA.ism/manifest

K24 – هه‌ولێر:

سه‌رۆك وه‌زیرانی چین لی كیك ینگ  جارێكی دیكه‌ متمانه‌ی خۆی به‌ ئابووريی و وڵاته‌كه‌ی راگه‌یاند و ئاشكرایكرد له‌ ئابووريیه‌كه‌یاندا خاڵی به‌هێز و ئه‌رێنی زۆر زیاترن له‌ خاڵه‌ لاوازه‌كان.

"بۆ من  زه‌حمه‌ته‌‌ كه‌ باوه‌ڕ به‌وه‌ بێنم چین ناتوانێت ئه‌و ئامانجه‌ به‌ده‌ستبێنێت كه‌ بۆ گه‌شه‌ی ئابوورییه‌كه‌ی دیاریكردوه‌، راسته‌ ئابووری ولاته‌كه‌مان دووچاری كێشه‌ و گرفت بووه‌ته‌‌ به‌ڵام لایه‌نی ئه‌رێنی و به‌هێزی زیاترن له‌ لایه‌نه‌ نه‌رێنییه‌كان".

گوتی: "ئه‌و ریفۆرمه‌ی كه‌ له‌ په‌یكه‌ربه‌ندی ئابووریدا ده‌یكه‌ین به‌تایبه‌تی له‌ رێكخستنه‌وه‌ی كارگێڕی و كه‌مكردنه‌وه‌ی باجه‌كان بازاڕ زیاتر هان ده‌دات و پیشكه‌وتنی نوێش به‌ ده‌ستدێن".

‌ئیمه‌ له‌ پڕۆسه‌ی به‌ شارستانیبوون و به‌ پیشه‌سازیبونین، هێشتا داواكاریی گه‌وره‌ هه‌یه‌ له‌سه‌ر وه‌به‌رهێنانی كاریگه‌ر، ئه‌گه‌ر ئێمه‌ گه‌شه‌ی ئابووریی خێرا بكه‌ین و شێوازه‌ كۆنه‌كه‌ی گه‌شه‌ی ئابووریی په‌ره‌پێبده‌ین ئه‌وكات ده‌توانین به‌سه‌ر به‌ربه‌سته‌كاندا زاڵببین".

"ئابووریی وڵاته‌كه‌مان ئه‌گه‌رچی به‌ دۆخێكی ناكۆكدا ده‌ڕوات به‌ڵام له‌ پڕۆسه‌ی گه‌شه‌كردن و پێشكه‌وتندا كێشه‌ هه‌ردێنه‌ پێش، ئێمه‌ش ده‌توانین زاڵببین به‌سه‌ریاندا".