ده‌میرتاش: توركیا بە زاناییەوە سیاسەتی كۆچپێكردنی كوردان پەیڕەو دەكات
K24 - هه‌ولێر:
سەڵاحەدین دەمیرتاش، ھاوسەرۆكی پارتی دیموكراتی گه‌لان (HDP)، لە بەرنامەی ھەڤپەیڤینی كوردستان 24 كە سبەی شەو كاتژمێر 8 پەخش دەكرێت، دەڵێت "حكوومەتی توركیا بە زاناییەوە سیاسەتی كۆچپێكردنی كوردان پەیڕەو دەكات و مەبەستی ئەوەیە دەستكاری پێكھاتەی ناوچە كوردییەكان بكات. ھەروەھا دەڵێت توركیا دەیەوێ كورد لە ناوچە سنوورییەكان نەمێنن.
دەمیرتاش ھەروەھا دەڵێت: "حكوومەتی توركیا رازی نییە لە رۆژھەڵاتی ناوەڕاست كورد ببنە ھێزێكی سیاسی".
هه‌وره‌ها گوتی: "دەڵێت ئەردۆغان تەنھا دان بەو كوردانە دەنێت كە پابەند و گوێرایەڵی ئەوانن، بۆیەش پرۆسەی ئاشتی لە توركیا كۆتایی پێھێندرا".
گوتیشی: "ئەو پرۆسەیە لەو كاتە كۆتاییھات كە دەبوو توركیا ھەنگاوی كردەیی بنانایە".
