دوو تەقینەوە لە برۆكسل روویاندا
دوو تەقینەوە لە برۆكسل روویاندا
K24 - ھەولێر:
كەمێك پێش ئێستا دوو تەقینەوە لە فڕۆكەخانەی برۆكسلی پایتەختی بەلجیكا روویاندا و بەو ھۆیەوە ژمارەیەك كەس بوونە قوربانی.
بە گوێرەی زانیاری میدیاكانی بەلجیكا كەمێك پێش ئێستا دوو تەقینەوە لە فڕۆكەخانەی برۆكسل روویاندا و بەو ھۆیەوە گەشتە ئاسمانییەكان لە فڕۆكەخانەكە وەستێنرا.
میدیاكانی ئەو وڵاتە رایانگەیاند: "تەقینەوەی یەكەم لە ھۆڵی دەرچوون لە فڕۆكەخانەكە و دووەمیان لە فڕگەی فڕۆكەخانەكە روویدا، ئێستا سەرجەم رێگاكانی گەیشتن بە فڕۆكەخانەی برۆكسل داخراون.
بەپێی زانیارییە سەرەتاییەكان لە ئەنجامی ھەردوو تەقینەوەكەی فڕۆكەخانەی برۆكسل 11 گیانیان لە دەستداوە و 25كەسی دیكەش بریندار بوون.
میدیاكانی بەلجیكا ئەوەیان خستوەتەڕوو، بەر لە روودانی تەقینەوە تەنگی تەقە بیستراوە و كەسێك بە عەرەبی ھاواری كردووە، ئێستا ھێزێكی زۆری پۆلیس و سەرباز فڕۆكەخانەكەیان كۆنتڕۆڵ كردووە.