ھەڕەشە لە كوردانی نیشتەجێی بەغدا دەكرێت
K24 – ھەولێر:
بە هۆی ئاڵۆزی پەیوەندییەکانی نێوان هەولێر و بەغدا، نامەی هەڕەشە بۆ هاوڵاتیانی کورد دەنێردرێت، بۆ بەجێهێشتنی ماڵ و حاڵییان لە بەغدا.
ھاووڵاتیەكی كوردی نیشتەجێی بەغدا دەڵێت: " لە دەستووری عێراقی ھیچ زەماناتێك بۆ كورد نییە، بەغدا ھیچ مافێكی بۆ كورد دانەناوە بەتایبەت كوردانی فەیلی".
ھاووڵاتیەكی دیكە كورد گوتی: " ئێمەی كورد ھەمیشە لە ژێر دەست دابووین و ئازار و مەینەتمان كێشاوە".
كاسبكارێكی كورد لەمبارەوە دەڵێت: " تا ئێستا ھیچ ھەڕەشەیەك لە من نەكراوە، بەڵام چەندین كوردم بینیووە لێرە گوتویانە نامەی ھەڕەشەمان بۆ دەنێرن".
سەدان ساڵ لەمەوبەر، کوردەکان لە نزیک شێخ عەبدولقادر گەیلانی بەرامبەر بە ناوچەی شۆرجە و بازاڕی سەدریەی شاری بەغدا نیشتەجێ بوون، ئەو شوێنەش پێی دەگوترێت گەڕەکی کوردان، کە بەدرێژایی مێژوو تووشی ئازار و گرتن و زیندانی و راگواستن بوونەتەوە.
ئێستا بە هۆی تێكچوون و ئاڵۆزبوونی پەیوەندییە کانی نێوان هەولێر و بەغدا، بەردەوام کورد هەڕەشەی لەسەرە و نامەی هەڕەشە ئامێزیان بۆ دەنێردرێت و داوای جێهێشتنی بەغدایان لێدەكەن.