جێگری سه‌رۆكی په‌رله‌مانی رووسیا: ده‌بێت كورد به‌شداربێت له‌ دیاریكردنی چاره‌نووسی ناوچه‌كه‌

"پێویسته‌ پێگه‌ و هه‌ڵوێستی كورد له‌به‌رچاو بگیرێت"
https://k24mediaservice.streaming.mediaservices.windows.net/9a2dd074-2044-40be-a6f2-fe0a9ed1988d/LedwaniCegriSerokiPerleman-Russia.ism/manifest

K24 – هه‌ولێر:

سێرگێی ڤلادیمێرەڤیچ، جێگری سەرۆکی پەرلەمانی روسیا بۆ كوردستان 24 رایگه‌یاند له‌ پای هه‌وڵ و تێكۆشانیان له‌ جه‌نگی دژی تیرۆردا پێویسته‌ پێگه‌ و هه‌ڵوێستی كورد له‌به‌رچاوبگیرێت.

سێرگی ڤلادیمێره‌ڤیچ گوتی: "لەپای تێکۆشان و ھەوڵی جوامێرانەیان لە جەنگی دژە تیرۆردا پێویستە پێگەو ھەڵوێستی کورد لەبەرچاو بگیرێت".

ڤلادیمیره‌ڤیچ گوتیشی: "لەپەیوەند بە جوگرافیای داھاتووی عێراق و سووریاو رۆژھەڵاتی ناوین، ھاوکات دەبێت مافی شایانی خۆیان پێبدرێت".

ئه‌وه‌شی گوت: "دەبینین دەیان ملیۆن کورد تێدەکۆشن بۆ ئەوەی پێگەو دەنگیان لەپەیوەست بە داھاتووی رۆژھەڵاتی ناوین سەنگی ھەبێت و بەشداربن لەدیاریکردنی چارەنووسی ناوچەکەدا".

ئاماژه‌ی بۆ ئه‌وه‌شكرد: "ھەڵبەتە ئەم پرسە پێویست دەکات کە ھەماھەنگ لەتەک ھێزە ناوچەیی و ئەگەر پێویست بکات نێونەتەوەییەکان بڕیاری لەسەر بدرێت، تا پرسەکە بەشێوەیەکی سەرتاپاگیر بگاتە ئەنجام نەوەک بەتەنھا لە سوریا یان عێراق یان تورکیا جیا جیا یەکلاببێتەوە".

جێگری سه‌رۆكی په‌رله‌مانی رووسیا ئاشكراشیكرد: "خۆ ئەگەر کورد داواى بەشداری رووسیا بکات لەم رووەوە ئەوا بێشک بەدەم داواکەیانەوە دەچین".