كوردستان 24 ناوی کاندیدی وەزارەتەکانی کابینەی نوێى عه‌بادى بڵاو ده‌كاته‌وه‌

K24 – هه‌ولێر:

سه‌رۆك وه‌زيرانى عێراق، حه‌يده‌ر عه‌بادى، ناوى كانديدانى كابينه‌ نوێيه‌كه‌ى پێشكه‌شى ئه‌نجوومه‌نى نوێنه‌ران كرد.

له‌ دانيشتنى ئه‌مڕۆى ئه‌نجوومه‌نى نوێنه‌راندا، عه‌بادى له‌ وته‌يه‌كدا رايگه‌ياند، كابينه‌كه‌ى له‌ 18 وه‌زاره‌ت پێكدێت كه‌ 16يان گۆڕاون و له‌و ژماره‌يه‌ش سى ڤى 14يان ئاماده‌ن و راده‌ستى سه‌رۆكايه‌تى ئه‌نجوومه‌نى نوێنه‌ران ده‌كرێن.

گوتيشى: له‌ ماوه‌ى 15 تا 30 رۆژدا، گۆڕانكارى له‌ پۆستى بريكارى وه‌زاره‌ت و سه‌رۆكى ده‌سته‌كاندا ده‌كه‌م.

له‌ به‌رامبه‌ردا ئه‌نجوومه‌نى نوێنه‌ران به‌ تێكڕاى ده‌نگ ره‌زامه‌نديان پيشاندا بۆ ئه‌وه‌ى له‌ ماوه‌ى مانگێكدا چاكسازييه‌كان ئه‌نجامبدرێن.

ناوى وه‌زيره‌ پێشنيازكراوه‌كان:

 ١- یوسف عەلی ئەسەدی - وەزیری گواستنەوە و گەیاندن.

٢- نزار محەمەد سەلیم نوعمان -  وەزیری نەوت.

٣- شەریف عەلی بن حووسێنی - وەزیری دەرەوە.

٤- عەلی عەلاوی -  وەزيری دارایی.

٥- عەبدولڕەزاق عیسا - وەزیری خوێندنی باڵا.

٦- ھۆشیار رەسول محەمەد ئەمین - وەزیری ئاوەدانکردنەوە و خزمەتگوزاری.

٧- خالید عوبێدی - وەزیری بەرگری.

٨- محەمەد غەببان - وەزیری ناوخۆ.

٩- عەلی ساڵح جبوری - وەزیری پەروەردە.

١٠- حەسەن جەنابی - وەزیری کشتوکاڵ و سەرچاوە ئاوییەکان.

١١- عەقیل مەھدی یوسف ئەلگەربان - وەزیری رۆشنبیری و لاوان.

12- عەلا دشیر - وەزیری کارەبا.

13- محەمەد حەسەن عەبدولڕەزا نەسروڵلاَ - وەزیری داد.

14- عەلا غەنی حوسێن موبارک - وەزیری تەندروستی.

15- وەفا جەعفەر ئەلمەھداوی - وەزیری کار و پەنابەران.

16-  - وەزیری پیشەسازی و بازرگانی.