بارزانی و وەزیری بەرگریی فەرەنسا باسی رزگاركردنی مووسڵ دەکەن
K24 - ھەولێر:
بریكاری وەزارەتی پێشمەرگە رایگەیاند، سەردانی وەزیری بەرگری فەڕەنسا بۆ ھەولێر و كۆبوونەوەی لەگەڵ سەرۆكی ھەرێمی كوردستان، بۆ باسكردنە لە شەڕی داعش و رزگاركردنی مووسڵە.
لە لێدوانێكیدا بۆ (كوردستان24) ئەنوەر حاجی عوسمان، بریكاری وەزارەتی پێشمەرگە رایگەیاند: "سەردانەكەی وەزیری بەرگری فەڕەنسا بۆ ھەولێر زیاتر بۆ كاروباری سەربازییە، ھەروەھا لە كۆبوونەوەیان لەگەڵ سەرۆك بارزانی، باس لە رزگاركردنی مووسڵ و تێكشكاندنی یەكجاری داعش كراوە".
گوتیشی: "گەرمترین باسی ناوچەكە لە رووی سەربازی رزگاركردنی شاری مووسڵە، بۆ ئەو رێنمایی و ئامۆژگاریانەش ئەوانیش زیاتر گوێ لە سەرۆك بارزانی دەگرن، چونكە رزگاركردنی مووسڵ بەبێ بەشداری ھێزی پێشمەرگە زۆر قوڕسە".