به‌وێنه‌.. شاجوانى رووسيا دياريكرا

K24- هه‌ولێر

له‌شارى مۆسكۆى پايته‌ختى رووسيا، رێوره‌سمى پێشبڕكێى دياريكردنى شاجوانى رووسيا به‌رێوه‌چوو تێيدا  "يانا دوبروفولسكايا"، توانى نازناوى شاجوانى رووسيا بۆ ساڵى 2016 به‌ ده‌ست بهێنێ.

ماڵپه‌ڕى (روسيا اليوم) بڵاويكردووه‌ته‌وه‌، رۆژى شه‌ممه‌ى رابردوو 16ئه‌پرێل/نيسانى 2016  پێشبڕكێى شاجوانى رووسيا  له‌نيوان 50 خانمى رووسى ئه‌نجامدرا، تێيدا "يانا"ى ته‌مه‌ن 18 ساڵ توانى بۆ ساڵى 2016 نازناوى شاجوانى رووسيا بۆ خۆى تۆمار بكات و هه‌روه‌ها 3 مليۆن روپل ئۆتۆمبێلێكيش به‌ديارى وه‌ربگرێت.

ئه‌مه‌ له‌كاتێكدايه‌، ساڵى 2015 سۆفيا نيكتشۆك توانى ئه‌م نازناوه‌ بۆخۆى تۆمار بكات و تاجێكى ئه‌ڵماس و هه‌شت مليۆن دۆلار به‌ده‌ستبهێنێت.