ھەر خێزانێكی ئاوارە بڕی 250 ھەزار دینار وەردەگرێت
K24 – ھەولێر:
وەزارەتی كۆچ و كۆچبەرانی عێراق رایگەیاند، هەفتەی داهاتوو، هەرخێزانێکی ئاوارە 250 هەزار دینار وەردەگرێت.
وەزارەتی کۆچ و کۆچبەرانی عێڕاق، لە راگەیندروێكدا راشیگەیاند: "وەزارەت بڕی 250 هەزار دیناری عێراقی بۆ هەر خێزانێکی ئاوارە تەرخانکردووە".
لە راگەیەنراوێکەی وەزارەتی ناوبراو دەشڵێت: "هەفتەی داهاتوو دەست دەکرێت بە دابەشکردنی ئەو بڕە پارەیە و سەرجەم ئاوارەکان دەگرێتەوە، لە هەر پارێزگایەکی عێراقدابن".
لە ماوەی رابردوو دا وەزارەتی کۆچ و کۆچبەران بڕی یەک ملیۆن دیناری بە سەر 99 هەزار خێزانی ئاوارە لە رێی کارت زیرەکەوە دابەش کرد.
بەھۆی شەڕی داعش ژمارەیەكی زۆری ھاووڵاتیانی پارێزگای ئەنبار و مووسڵ و دەورووبەریان ئاوارەی نێوخۆی عێراق بوون، كە ژمارەیەكی زۆریان لە ھەرێمی كوردستانن، لە مانگی نۆڤێمبەری ساڵی رابردوو، سەلیم جبووریی رایگەیاند، دهبێ پارهی زیاتر له بودجهی ساڵی 2016 بۆ ئاوارهكان تهرخان بكرێت و گهڕانەوهی ئاوارهكان بۆ ناوچهكانیان له دیاله و سهلاحهدین و دهوروبهری بهغدا و شنگال كارێكی گرنگه و تاقیكردنهوهیهكیشه بۆ بەزاندنی كێشهكانمان.