ریال مه‌درید بۆ یاریی داهاتوو ئه‌م یاریزانه‌ی له‌ده‌ستدا
یانه‌ی ریال مه‌درید له دوایین یاریی خۆی كه شه‌وی ڕابردوو له نێو یاریگه‌ی سانتیاگۆ بێرنابیۆ میوانداریی ڤیاریالی كرد و یارییه‌كه‌شی به 3 گۆڵی بێبه‌رامبه‌ر لێ برده‌وه.
له یارییه‌كه‌دا، ناوه‌ڕاستكاری برازیلی ریال مه‌درید (كاسێمیرۆ) له خوله‌كی 85 كارتێكی زه‌ردی وه‌رگرت كه ئه‌مه پێنجه‌مین كارتی زه‌ردی ئه‌و یاریزانه بوو كه له یارییه‌كانی ڕابردوو به‌ڕوویدا به‌رز كراوه‌ته‌وه، ئه‌مه‌یش ئه‌و یاریزانه له یاریی داهاتووی به‌رانبه‌ر ڕایۆ ڤایكانۆ به‌شداریی ناكات كه یارییه‌كه رۆژی شه‌ممه‌ی داهاتوو له كات 5:00ـی ئێواره ده‌بێت.