لە خورماتوو حەشدی شەعبیی لە چەند باڵەخانەیەك گەمارۆدراون
K24 - خورماتوو:
لە شەڕی نێوان ھێزەكانی پێشمەرگە و حەشدی شەعبی لە شارۆچكەی خورماتوو ھێزەكانی پێشمەرگە لە پێشڕەویدان و حەشدی شەعبی لە چەند باڵەخانەیەكی خورماتوو گەمارۆدراون.
پەیامنێری (كوردستان24) لە خورماتوو رایگەیاند: "شەڕ لە نێوان ھێزی پێشمەرگە و چەكدارانی حەشدی شەعبی لە خورماتوو بەردەوامە و پێشمەرگە لە پێشڕەویدان لە كۆنتڕۆڵكردنی ئەو شوێنانەی چەكدارانی حەشدی شەعبی لێی نیشتەجێبوون و ئاڵای كوردستان لەسەر ئەو شوێنانە ھەڵدرا".
گوتیشی: "ھێزی پێشمەرگە چەكدارانی حەشدی شەعبی لە چەند باڵەخانەیەكی خورماتوو گەمارۆداون، پێشمەرگە لە پێشڕەویدایە".
لە شەوی رابردووەوە شەڕ لە نێوان ھێزی پێشمەرگە و چەكدارانی حەشدی شەعبی روویداوە و ژمارەیەك شەھید و برینداری لێكەوتوەتەوە.
