به‌ فه‌رمی یانه‌ی دهۆك راهێنه‌رێكی نوێی ده‌ستنیشان كرد

پێكهاته‌ی یانه‌ی دهۆك بۆ وه‌رزی بۆ 2020 ـ 2021ـی خولی نایابی كوردستان
پێكهاته‌ی یانه‌ی دهۆك بۆ وه‌رزی بۆ 2020 ـ 2021ـی خولی نایابی كوردستان

یانه‌ی دهۆك بۆ راهێنه‌رایه‌تیكردنی ئه‌م وه‌رزه‌ی خولی نایابی كوردستان له‌گه‌ڵ عه‌مار حوسێنی راهێنه‌ری عێراقی گه‌یشته‌ رێككه‌وتن.

ئێواره‌ی ئه‌مڕۆ پێنجشه‌ممه‌، 21 جه‌نیوه‌ری 2021، یانه‌ی دهۆك له‌ به‌یاننامه‌یه‌كی فه‌رمی دا رایگه‌یاند دوای گفتووگۆیه‌كی زۆر له‌گه‌ڵ عه‌مار حوسێنی راهێنه‌ری پێشووی یانه‌ی نه‌فتی به‌سڕا گه‌یشتنه‌ رێككه‌وتن.

عه‌مار حوسێن رۆژی دووشه‌ممه‌ی داهاتوو راهێنانه‌كانی له‌گه‌ڵ یانه‌ی دهۆك ده‌ستپێده‌كات و 4 یاریزانیش له‌گه‌ڵ خۆی بۆ یانه‌كه‌ دێنێـت و چه‌ند یاریزانێكیش له‌ هه‌رێمی كوردستان بۆ تیپی تۆپی یانه‌ی دهۆك زیاد ده‌كات

یه‌كه‌مین ئه‌زموونی راهێنه‌رایه‌تی عه‌مار حوسێن له‌گه‌ڵ یانه‌ی دهۆك له‌ قۆناخی دووه‌می خولی نایابی كوردستان له‌ ده‌ره‌وه‌ی یاریگه‌ی خۆیان به‌رامبه‌ر پێشمه‌رگه‌ی هه‌ولێر ده‌بێت.

یانه‌ی دهۆك ئه‌م وه‌رزه‌ له‌ كۆی 7 یاری له‌ خولی نایابی كوردستان 2 یاری بردووه‌ته‌وه‌ و 5 یاریشی دۆڕاندووه‌، به‌هۆی ئه‌نجامه‌ خراپه‌كانیش دوو هه‌فته‌ له‌مه‌وبه‌ر سلێمان ره‌مه‌زان له‌ ئه‌ركی راهێنه‌رایه‌تی یانه‌كه‌ ده‌ستله‌كاركێشانه‌وه‌ی راگه‌یاند.

عه‌مار حوسێن راهێنه‌ری نوێی یانه‌ی دهۆك
عه‌مار حوسێن راهێنه‌ری نوێی یانه‌ی دهۆك