لە هەرێمی کوردستان کەسێکی دیکە بە کۆرۆنا گیانی لەدەستدا
K24 -هەولێر
وەزارەتی تەندروستی ئاماری رۆژانەی تایبەت بە ڤایرۆسی کۆرۆنای بڵاوکردەوە، بەپێی ئامارەکە لە 24 کاتژمێری رابردوودا 58 کەس تووشی کۆرۆنا بوون، یەک کەسیش بەهۆیەوە گیانی لەدەستداوە.
ئامارەکە دەریدەخات لە شەو و رۆژی رابردوودا چوار هەزار و 148 کەس پشکنینی کۆرۆنایان کردووە، کە 1961 کەسیان دانیشتووی پارێزگای دهۆکن.
زۆرترین تووشبوون لە شارەکان، لە سلێمانی تۆمارکراوە کە 21 کەسن، ئەو کەسەش کە بە کۆرۆنا گیانی لەدەستداوە، دانیشتووی گەرمیان بووە بەپێی راگەیەندراوەکە.