سەرۆك كۆماری عێراق: د. رۆژ کەسایەتییەکی شۆڕشگێر و نیشتمانپەروەر بوو
K24 - ھەولێر
د. بەرھەم ساڵح، سەرۆک کۆماری عێراق پەیامێكی ھاوخەمی بڵاوكردەوە و رایگەیاندا " د. رۆژ نووری شاوەیس کەسایەتییەکی شۆڕشگێر و نیشتمانپەروەر بوو، لە قۆناغە جیاوازەکانی خەباتی رزگاریخوازی کوردستاندا رۆڵی بەرچاوی هەبووە".
لە بەشێكی دیكەی پەیامەكەدا ھاتووە: "دوای روخانی رژێمی دیکتاتۆری بەعس بەشدار بوو لە نوسینەوەی دەستووری عێراق و دواتریش چەندین پۆستی دیاری وەرگرت".
دەقی پەیامی سەرۆك كۆماری عێراق بۆ كۆچی دوایی د. رۆژ نووری شاوەیس:..
بەداخێکی زۆرەوە هەواڵی کۆچی دوایی د. رۆژ نوری شاوەیس ئەندامی مەکتەبی سیاسی پارتی دیموکراتی کوردستان و خەباتکاری به ئه‌زموون و کەسایەتی دیار و ناسراوی کوردستانم بیست.
د. رۆژ جگە لەوەی رۆڵەی بنەماڵەیەکی ناسراوی سلێمانی و کوڕی تێکۆشەری دیار نوری شاوەیس و ناھیدە شێخ سەلام بوو، خۆشی کەسایەتییەکی شۆڕشگێر و نیشتمانپەروەر بوو، لە قۆناغە جیاوازەکانی خەباتی رزگاریخوازی کوردستاندا رۆڵی بەرچاوی هەبووە، دوای روخانی رژێمی دیکتاتۆری بەعس بەشدار بوو لە نوسینەوەی دەستووری عێراق و دواتریش چەندین پۆستی دیاری وەرگرت.
بەم بۆنە خەمناکەوە پرسە و هاوخه‌می خۆم بە خانەوادە و کەسوکار و هاوڕێیانی راده‌گه‌یه‌نم، لە یەزدانی مەزن داواکارم گیانی بە هەشتی نەمری شاد بکات.
انا لله و انا الیه راجعون
د.به‌رهه‌م ساڵح
سه‌رۆک کۆماری عێراق