ئورد‌ن: ئامانجی په‌لاماره‌ ترسنۆكانه‌كه‌ی هه‌ولێر تێكدانی سه‌قامگیری ناوچه‌كه‌یه‌

"په‌لاماری له‌و جۆره‌ پێچه‌وانه‌ی هه‌موو بنه‌ماكانی مرۆڤایه‌تییه"‌
وێنه‌ی ئه‌و ئۆتۆمێلەی كە مووشەكەكانی لەسەر ئاراستە كراون
وێنه‌ی ئه‌و ئۆتۆمێلەی كە مووشەكەكانی لەسەر ئاراستە كراون

K24-هه‌ولێر:

وه‌زاره‌تی ده‌ره‌وه‌ی ئورده‌ن، ئیدانه‌ی په‌لاماره‌ تیرۆریستییه‌كه‌ی هه‌ولێر ده‌كات و رایده‌گه‌یه‌نێت،  ئامانج له‌وه‌ كرده‌وه‌ تیرۆریستییه‌ تێكدانی ئاسایش و سه‌قامگیری ناوچه‌كه‌یه‌ و پێچه‌وانه‌ی هه‌موو بنه‌ماكانی مرۆڤایه‌تییه‌.

ئاژانسی هه‌واڵی پێترای ئورد‌نی، له‌ زاری گوته‌بێژی وه‌زاره‌تی ده‌ره‌وه‌ی ئه‌و وڵاته‌ بڵاویكردووه‌ته‌وه‌، شانشینی ئوردن به‌ هه‌موو شێوه‌یه‌ك توندوتیژی و توندڕه‌وی و تیرۆر ره‌تده‌كاته‌وه‌ كه‌ هه‌موو كۆمه‌ڵگه‌یه‌كی به‌بێ جیاوازی كردووه‌ته‌ ئامانج.

به‌ گوێره‌ی ئه‌و ئاژانسه‌، گوته‌بێژه‌كه‌ی وه‌زاره‌تی ده‌ره‌وه‌ سه‌ره‌خۆشی له‌ كه‌سوكاری قوربانیان كردووه‌ و هیوای زوو چاكبوونه‌وه‌شی بۆ بریندارانی په‌لاماره‌كه‌ خواستووه‌.

شه‌وی رابردوو، نزیكه‌ی 9 مووشه‌ك ئاراسته‌ی هه‌ولێر كران و به‌ هۆیه‌وه‌، 9 كه‌س برینداربوون و كه‌سێكیش كه‌ به‌ گرێبه‌ست له‌گه‌ڵ هاوپه‌یمانی نێوده‌وڵه‌تی كاری كردووه‌، گیانی له‌ده‌ستدا.