وه‌زیری به‌رگری ئه‌مه‌ریكا سه‌ركۆنه‌ی هێرشه‌ مووشه‌كییه‌كه‌ی شاری هه‌ولێر ده‌كات

K24- هه‌ولێر:

ئه‌مڕۆ لوید ئۆستن، وه‌زیری به‌رگری ئه‌مه‌ریكا له‌ په‌یوه‌ندییه‌كی ته‌له‌فۆنیدا له‌گه‌ڵ جومعه‌ سه‌عدون، هاوتا عێراقییه‌كه‌ی په‌لاماره‌ مووشه‌كییه‌كه‌ی شه‌وی رابردووی سه‌ر هێزه‌ ئه‌مه‌ریكییه‌كان و هاوپه‌یمانی نێوده‌وڵه‌تی له‌ شاری هه‌ولێر شه‌رمه‌زار كرد.

له‌و په‌یوه‌ندییه‌ ته‌له‌فۆنییه‌دا ئۆستن هاوخه‌می خۆی بۆ قوربانیانی هێرشه‌ مووشه‌كییه‌كه‌ راگه‌یاند و سه‌ره‌خۆشیی له‌ خانه‌واده‌ی شه‌هیده‌كه‌ی هێرشه‌كه‌ كرد.

ئۆستن دووپاتیكرده‌وه‌، "خه‌ڵكی عێراق پێویستی به‌ ئاسایش و سه‌قامگیرییه‌ و ئه‌مه‌ریكا پابه‌نده‌ به‌ هاوكاریكردنی هه‌وڵی هاوپه‌یمانه‌كانی له‌ عێراق بۆ به‌رگریكردن له‌ سه‌روه‌ری وڵاته‌كه‌یان".

هه‌ردوو وه‌زیره‌كه‌ جه‌ختیان له‌سه‌ر پابه‌ندبوونی خۆیان به‌ شه‌راكه‌تی ستراتیژی نێوان ئه‌مه‌ریكا و عێراق كرده‌وه‌.

H.B