عه‌لی خامنه‌یی: پێویسته ناكۆكییه‌كانی نێوان حكومه‌ت و په‌رله‌مانی ئێران چاره‌سه‌ر بكرێن
K24- هه‌ولێر:
عەلی خامنەیی رێبەری كۆماری ئیسلامی ئێران رایگەیاند، بڕیارەکەی پەرلەمانی ئێران بۆ رێگریکردن لە ئاژانسی نێودەوڵەتی وزەی ئەتۆمی، لە بینینی تۆماری ئەو کامێرا چاوێریانەی لە بنکە ئەتۆمییەکانی ئێران دانراون، بڕیارێکی باشە و پێویستە حکومەت پێوەی پابەند بێت.
خامنەیی گوتی: ئەوەی پەرلەمان داوای دەکات لە بابەتی چالاکییە ئەتۆمییەکان، پێویستە حکومەت وەك خۆی و بەوردی جێبەجێی بکات.
له درێژه‌ی گوته‌كانیدا خامنه‌یی ئاشكرایكرد، "گوێم لێبووە جیاوازیی و ناکۆکییەك لەنێوان حکومەت و پەرلەمان دروستبووە، لەسەر ئەوەی حکومەت دەیکات و ئەوەی پەرلەمان چاوەرێی دەکات بکرێت".
هه‌وره‌ها جه‌ختی كرده‌وه، "پێویستە ئەم جیاوازیانە لە بۆچوونەکان چارەسەر بکرێن. حکومەت خۆی بە بەرپرسیار دەزانێت ئەم یاسایە جێبەجێ بکات، یاساکەش یاسایەکی باشە و دەبێ بەوردی جێبەجێ بکرێت".
دووپاتیشی كرده‌وه، "پێویسته هەردوولا لەم بابەتەدا هاوکاری و هەماهەنگییان هەبێت".
H.B