روونکردنەوەیەك لە بەڕێوەبەرایەتی گشتی فڕۆکەخانەی نێودەوڵەتی ھەولێرەوە

K24 – ھەولێر

بەڕێوەبەرایەتی گشتی فڕۆکەخانەی نێودەوڵەتی ھەولێر دەنگۆی چەند كەناڵێكی راگەیاندن رەتدەكاتەوە و رایدەگەیەنێت، ھیچ گۆڕانكارییەك بەسەر رێنماییەكاندا نەھاتووە.

لە روونكردنەوەكەدا ھاتووە: "ئاگاداری گشت هاووڵاتییان و گەشتیاران دەکەینەوە هیچ گۆڕانکارییەک بەسەر رێنماییەکانی وەزارەتی ناوخۆ بەیانی ژمارە (1) ی ساڵی 2021دا نەهاتووە، بەڵکو گەشتیاران دوای گەڕانەوەیان پێویستە لە شوێنی نیشتەجێ بوونیان خۆیان کەرەنتین بکەن، بۆ ئەو ماوەیەی کە لە رێنماییەکانی وەزارەتی تەندروستی دا هاتووە".

دەقی راگەیاندراوی بەڕێوەبەرایەتی گشتی فڕۆکەخانەی نێودەوڵەتی ھەولێر:.

دوای بڵاوبوونەوەی هەواڵی بە کەرەنتین کردنی گەشتیارانی هاتوو بۆ ناوەوەی هەرێمی کوردستان لە چەند کەناڵێکی راگەیاندندا. ئاگاداری گشت هاووڵاتییان و گەشتیارانی بەڕێز دەکەینەوە کەوا هیچ گۆڕانکارییەک بەسەر رێنماییەکانی وەزارەتی ناوخۆ بەیانی ژمارە (1) ی سالی 2021دا نەهاتووە، بەڵکو گەشتیاران دوای گەڕانەوەیان پێویستە لە شوێنی نیشتەجێ بوونیان خۆیان کەرەنتین بکەن، بۆ ئەو ماوەیەی کە لە رێنماییەکانی وەزارەتی تەندروستی دا هاتووە.

بەڕێوەبەرایەتی گشتی فرۆکەخانەی نێودەولەتی ئەربیل

3/3/2021