شەش کارمەندی ئاسایش و پێنج زیندانی برینداربوون

K24- رانیە:

لە رووداوێکی هاتووچۆدا لە رانیە، ئۆتۆمبێلێکی بێ سەرەتا خۆی دەکێشێت بە ئۆتۆمبێلێکی هێزەکانی ئاسایشی راپەڕین کە ژمارەیەک دەستگیرکراوی گواستووەتەوە لە ئەنجامدا شەش کارمەندی هێزەکانی ئاسایش و پێنج زیندانی بریندار بوون.

نەقیب عەلی عەبدوڵا، وتەبێژی هاتووچۆی راپەڕین بە کوردستان24ـی راگەیاند: "لە چوارڕیانی ترافیکی سەیداوا، ئۆتۆمبێلێکی جۆری پیکاب گۆناو بێ سەرەتا، خۆی کێشاوە بە ئۆتۆمبێلێکی جۆری مێکزەمینی هێزەکانی ئاسایشی راپەڕین و بەهۆیەوە شەش کارمەندی ئاسایش و پێنج زیندانی بریندار بوون و دوو سەرنشینی ئۆتۆمبێلی بەرامبەریش بریندار بوون و بریندارەکان گواستراونەتەوە نەخۆشخانە''.

پەیامنێری کوردستان24 لە رانیە رایگەیاند: "ئەگەرچی سەرەتا وابڵاوکرایەوە کە هێزەکانی ئاسایش بەدوای دەستگیرکراوێکی هەڵاتووەوە بوون، بەڵام هێزەکەی ئاسایش لە گەڕانی ئاسایی خۆیاندا بوون، رووداوەکە تەنها رووداوێکی هاتووچۆیە".

H.J