بۆ چارەسەركردنی كێشەی كۆگاكان داوای هەماهەنگی لە بەغدا دەكرێت
K24 - هه‌ولێر:
سەبارەت بەو كێشانەی لە سایلۆ و كۆگاكانی ھەرێمی كوردستان ھەیە، نەوزاد كامیل، بەڕێوەبەری بازرگانی بۆ كوردستان24 رایگەیاند، ساڵانێكە كۆمەڵێك كێشە بەرۆكی سایلۆكان و كۆگاكانی گرتووه، بۆ ئەو مەبەستەش داوای ھەماھەنگی لە بەغدا كراوە و وەك سەرەتا بڕیار دراوە، لیژنەیەكی ھاوبەش پێكبھێندرێت تاوەكو بتوانن پێكەوە كێشەكان چارەسەر بكەن.
نەوزاد كامیل گوتی: "ماوه‌ی چه‌ند ساڵێكه كۆمه‌ڵێك كێشه‌مان هه‌یه، وه‌كو خزمه‌تنه‌كردنی كۆگاكان، سایلۆكان، پێویستی به پشتیوانی ماددی هه‌یه، ئه‌و فه‌رمانبه‌رانه‌ی سه‌ر به به‌ڕێوه‌به‌رایه‌تی دانه‌وێڵه و بازرگانی په‌یوه‌ستن به به‌غداوه، وه‌كو پێوست پشتیوانییان ناكرێت".
گوتیشی: "داوامان له به‌غدا كردووه پشتوانمان بن، بۆیه لیژنه‌یه‌كی هاوبه‌شمان پێكهێناوه، بڕیاره یاداشتێكی لێكتێگه‌یشتن واژوو بكه‌ین".
د.ی