مسته‌فا كازمی پیرۆزبایی جه‌ژنی نه‌ورۆز له گه‌لی كورد ده‌كات
K24 - هه‌ولێر:
مسته‌قا كازمی، سه‌رۆك وه‌زیرانی عێراق، له توێتێكدا ئه‌مڕۆ شه‌ممه (20ی ئادار/ مارسی 2021) رایگه‌یاند، پیرۆزبایی له‌گه‌لی كورد ده‌كه‌م به بۆنه‌ی جه‌ژنی نه‌ورۆز، داوای یه‌كڕیزی وڵات و پاراستنی ده‌ستكه‌وته دیموكراسییه‌كان ده‌كه‌مه‌وه.
كازمی له په‌یامی پیرۆزباییه‌كه‌یدا نووسیویه‌تی: "پیرۆزبایی لەگەلی كورد و سەرجەم عێراقییەكان دەكەین بەبۆنەی جەژنی نەورۆزەوە، لەم رۆژەدا جەخت لەیەكڕیزی وڵات و پاراستنی دەستكەوتە دیموكراسییەكانی دەكەینەوە".
سه‌رۆك وه‌زیرانی عێراق جه‌خت له گیانی برایه‌تی نێوان سه‌رجه‌م پێكهاته عێراقییه‌كان ده‌كاته‌وه و ئاماژه‌ی به‌وه‌ش كرد، ئامانجامان تێپه‌ڕاندنی بارگرانییە ئابووری و تەندروستییەكانه.
پیرۆزبایی لەگەلی كورد و سەرجەم عێراقییەكان دەكەین بەبۆنەی جەژنی نەورۆزەوە، لەم ڕۆژەدا جەخت لەیەكڕیزی وڵات و پاراستنی دەستكەوتە دیموكراسییەكانی دەكەینەوە، ئامانجمان تێپەڕاندنی بارگرانییە ئابوری و تەندروستییەكان و بڵاوكردنەوەی گیانی برایەتییە لەنێوان سەرجەم پێكهاتە عێراقییەكان.
— Mustafa Al-Kadhimi مصطفى الكاظمي (@MAKadhimi) March 20, 2021
د.ی