به‌ڕێوه‌به‌رایه‌تی هاتووچۆی هه‌ولێر ئاماری رووداوه‌كانی سێ رۆژی نه‌ورۆزی راگه‌یاند
K24- هه‌ولێر:
به‌ڕێوه‌به‌رایه‌تی هاتووچۆی هه‌ولێر ئاماری رووداوه‌كانی هاتووچۆی یه‌كه‌م رۆژ تا ئێواره‌ی سێیه‌م رۆژی جه‌ژنی نه‌ورۆز له سنووری ئه‌و پارێزگایه راگه‌یاند.
له لێدوانێكی تایبه‌تدا بۆ كوردستان24، فازڵ حاجی، گوته‌بێژی به‌ڕێوه‌به‌رایه‌تی هاتووچۆی هه‌ولێر ئاشكرایكرد، له یه‌كه‌م رۆژی جه‌ژنی نه‌ورۆزه‌وه تا ئێواره‌ی ئه‌مڕۆ سێشه‌ممه، كه ده‌كاته سێیه‌م رۆژی نه‌ورۆز، 7 رووداوی هاتووچۆ له سنووری پارێزگای هه‌ولێر روویانداوه.
هه‌روه‌ها گوتیشی: له‌و 7 رووداوه‌دا 4 كه‌س گیانیان له‌ده‌ستداوه و 26 كه‌سی دیكه‌ش برینداربوون.
وه‌ك ئاماژه‌شی پێدا، یه‌كه‌م رۆژی جه‌ژنی نه‌ورۆز له 5 رووداوی جیاوازدا 4 كه‌س گیانیان له‌ده‌ستدا و 14ی دیكه‌ش برینداربوون، له دووه‌م رۆژی نه‌ورۆزدا یه‌ك رووداوی هاتووچۆ هه‌بووه و بووه هۆی برینداربوونی 7 كه‌س، ئه‌مڕۆش كه سێیه‌م رۆژی نه‌ورۆزه له رووداوێكی هاتووچۆدا 5 كه‌س بریندار بوون.
H.B