دوایین بڕیار لەبارەی کردنەوەی دەوامی قوتابخانەکان ئاشکرا دەکرێت
K24- هەولێر:
عەبدولسەلام دۆلەمەڕی، سەرۆکی لیژنەی پەروەردە و خوێندنی باڵای پەرلەمانی کوردستان لە کۆنفرانسێکی رۆژنامەوانیی رایگەیاند: ''دەرگای قوتابخانەکان تەنها بۆ پۆلی 12 کراوە دەبن و پۆلەکانی دیکە دەوام ناکەن''.
ئاماژەی بەوەشکرد: ''کۆبوونەوەی لیژنەی باڵای بەرەنگاربوونەوەی کۆرۆنا لە داهاتوو بڕیار دەدات ئەگەر هەر گۆڕانکارییەک ئەنجام بدرێت''.
عەبدولسەلام دۆلەمەڕی ئەوەشی خستەڕوو: ''بەگوێرەی راپۆرتەکانی وەزارەتی تەندروستی، حاڵەتەکانی کۆرۆنا لە زیادبووندان و بۆ هەر بڕیارێکی داهاتوو، رەوشی کۆرۆنا بە هەند وەردەگیرێت''.