پەیامێكی سەرەخۆشیی له سەرۆك بارزانییهوه
K24 - ههولێر:
سهرۆك مسعود بارزانی، بههۆی كۆچی دوایی كهرهمێ سهیاد، ڕۆشنبیر و ڕۆژنامەنووسی نیشتیمانپەروەری كوردی ئەرمەنستان و بهڕێوهبهری رادیۆی كوردی یهریڤان، بڵاوكردهوه و تێیدا رایدهگهیهنێت، كهرهمێ سهیاد ڕۆڵێكی كاریگەری لە بڵاوكردنەوەی فەرهەنگ و زمانی كوردی هەبوو.
له بهشێكی دیكهی پهیامهكهی سهرۆك بارزانیدا هاتووه: "خەبات و تێكۆشانی كەرەمی سەیاد سەرمەشقە بۆ هەموو كوردێكی نیشتیمانپەروەر و جێگەی پێزانینێكی زۆرە".
دهقی پهیامهكهی سهرۆك بارزانی:
"پەیامی سەرەخۆشیی سەرۆك بارزانی بۆ كۆچی دوایی كەرەمێ سەیاد
بەناوی خودای بەخشندە و میهرەبان
بەداخێكی زۆرەوە هەواڵی كۆچی دوایی ڕۆشنبیر و ڕۆژنامەنووسی نیشتیمانپەروەری كوردی ئەرمەنستان (كەرەمێ سەیاد)ـم بیست. كەرەمێ سەیاد بۆ ساڵانێكی دوورودرێژ و ماندوونەناسانە كاری بۆ پێشخستنی زمان و ئەدەبی كوردی و بەڕێوەبردنی ڕادیۆی یەریڤان كرد و ڕۆڵێكی كاریگەری لە بڵاوكردنەوەی فەرهەنگ و زمانی كوردی لە ئەرمەنستان و وڵاتانی سۆڤییەتی پێشوودا هەبوو. خەبات و تێكۆشانی كەرەمی سەیاد سەرمەشقە بۆ هەموو كوردێكی نیشتیمانپەروەر و جێگەی پێزانینێكی زۆرە.
سەرەخۆشیی خۆم ئاراستەی بنەماڵە و دۆست و هەڤاڵانی كەرەمێ سەیاد و هاووڵاتیانی كوردی ئەرمەنستان و وڵاتانی سۆڤییەتی پێشوو دەكەم و خۆم بە هاوبەشی خەمیان دەزانم.
هیوای سەبر و ئارامی بۆ هەموو لایەك دەخوازین و ڕۆحی كەرەمێ سەیاد شاد بێت.
مسعود بارزانی
28ـی ئاداری 2021"