دەسەڵاتدارانی سعوودیە كەسێكیان دەستگیركرد لە ناو حەرەمی مەككەدا درووشمی پشتیوانی لە داعشی دەگوتەوە
K24 – ھەولێر:
دەسەڵاتدارانی سعوودیە، پێنجشەممە كەسێكیان دەستگیر، كە چەقۆی پێبووە و درووشم و دەستەواژەی پشتوانیكردنی لە داعش دەگوتەوە لە ناو حەرەمی مەككەدا.
ئاژانسی ھەواڵی سعوودیە (واس) لە دەمی گوتەبێژی راگەیاندنی ناوچەی مەككەی پیرۆز گواستووەتەوە، كە گوتوویەتی: "ھێزەكانی ئەمنی مەككە، كەسێكیان دەستگیركرووە، كە چەقۆیەكی پێبووە و دەستەواژەی پشتیوانی لە كۆمەڵە و رێكخراوە تیرۆریستییەكان دەگوتەوە لە دوای نوێژی عەسر لە رۆژی سێشەممەی رابردوو".
گوتەبێژەكە گوتیشی: رووداوەكە لە قاتی یەكەم مزگەوتی مەككەدا روویدا و "دەستبەجێ كابراكە دەستگیركرا و راگیرا و رێكارە یاسایییەكان لە بەرامبەریدا گیرانەبەر".
دەسەڵاتدارانی سعوودیە رەگەزنامەكەی ئەو كەسەیان روون نەكردەوە، كە لە ڤیدیۆیەكەدا دەركەوتووە.
لە میانی چەند كاتژمێری دواییدا، چەند گرتەیەكی ڤیدیۆیی بڵاوكراونەوە، كە تێیدا كەسێك دەردەكەوێت، كە دشداشەیەكی سپیی لە بەردایە و دەستەواژەی پشتیوانیكردن لە داعش دەڵێتەوە، دواتر ژمارەیەك لە پیاوانی ئەمنی سعوودیە و نوێژكاران ھەوڵیان دا دەستگیری بكەن و یەكێكیان كورسییەكی بچووكی تێدەگرێت.
حنكة رجال ألأمن في #الحرم_المكي
— Faisal Bin Meshrf (@faisalmishref) April 1, 2021
تتبعوه حتى تاكدوا من عدم وجود اسلحة او حزام ناسف
الجميل رفض المواطن السعودي للارهابين والمتشددين
أول من ألقى القبض عليه المواطنين 🇸🇦
اللي شال الكرسي 👍
مشاهدة ممتعة باذن الله🙏 pic.twitter.com/QJz8t8objo
بعد ان رصدت قوة أمن #الحرم_المكي الشريف ، شخصاً يحمل سلاحاً ابيض ، يردد عبارات مؤيدة لجماعات وتنظيمات ارهابية .
— فهد اللويحق (@fahedloweehig) April 1, 2021
فقد تم ضبطه واتخذت الإجراءات النظامية بحقه .#تم_القبض pic.twitter.com/Uwr0O3kDSy